14 yaşlı uşağın idarə etdiyi avtomobil beton dirəyə çırpıldı: İki qardaş həyatını itirdi

Türkiyənin Sakarya vilayətinin Söğütlü rayonunun Yeniköy məhəlləsində faciəvi yol qəzası baş verib.

Sonxeber.az türk mediasına istinadən xəbər verir ki, 14 yaşlı O.K.-nın idarə etdiyi 41 EU 251 dövlət nömrə nişanlı avtomobil idarəetməni itirərək beton dirəyə çırpılıb. Zərbənin gücündən avtomobil demək olar ki, kağız kimi əzilib.

Hadisə yerinə dərhal yanğınsöndürənlər, təcili tibbi yardım və polis qüvvələri cəlb olunub. Yanğınsöndürənlərin müdaxiləsi nəticəsində avtomobildə sıxışıb qalan sürücü O.K. və onun 10 yaşlı qardaşı Y.K. çıxarılıb. Təcili tibbi yardım əməkdaşlarının keçirdiyi yoxlama zamanı hər iki qardaşın həyatını itirdiyi müəyyən olunub.

Hadisə ilə bağlı araşdırma aparılır. Qardaşların cəsədləri Ferizli Dövlət Xəstəxanasının morquna aparılıb.

Telegramda izləyin