Canlı yayıma hazırlaşan qadın müxbir soyğunçunun hücumuna məruz qaldı

Braziliyada gənc jurnalist Clara Nery canlı yayım öncəsi dəhşətli bir soyğun cəhdinin hədəfinə çevrilib.

Sonxeber.az xarici mediaya istinadən xəbər verir ki, hadisə Rio-de-Janeyro şəhərində baş verib. Clara efirə çıxmağa hazırlaşarkən telefonunda mesaj yazdığı anda motosikletlə yaxınlaşan bir şəxs qəfil onun telefonunu əlindən almağa çalışıb.

Gözlənilməz hücuma məruz qalan jurnalist yüksək səslə çığıraraq hadisəyə sərt reaksiya verib. Xoşbəxtlikdən, telefonu möhkəm tutduğu üçün soyğunçunun onu ələ keçirməsinə imkan verməyib. Hadisədən sonra Clara yaşadıqlarını belə izah edib:
"Arxam dönük halda səkidə dayanmışdım. Birdən motosikletlə bir nəfər yaxınlaşıb telefonumu almağa çalışdı. Videoda da görünür – əli ilə telefona uzanır, amma mən möhkəm tutduğum üçün ala bilmədi".

Telegramda izləyin