Fatih Terim məşqçilik karyerasını burada davam edəcək...

Türkiyənin tanınmış futbol mütəxəssisi Fatih Terim, məşqçilik karyerasını davam etdirmək qərarına gəlib. Galatasaray-dan ayrıldıqdan sonra Yunanıstanın Panathinaikos və Səudiyyə Ərəbistanının Al-Shabab komandalarını çalışdıran 71 yaşlı təcrübəli texniki direktorun bu dəfə Birləşmiş Ərəb Əmirliklərində bir klubun başına keçəcəyi bildirilir.

Sonxeber.az türk mediasına istinadən xəbər verir ki, Fatih Terim yaxın günlərdə danışıqlar aparmaq üçün Dubaya yola düşəcək.

Xatırladaq ki, ötən mövsümün ara transfer dövründə Al-Shabab klubuna rəhbərlik edən məşqçi, böyük maraq doğurmuşdu. Lakin mövsüm başa çatdıqdan sonra tərəflər yollarını ayırmışdı.

Fatih Terim Al-Shabab-da çalışdığı müddətdə 23 rəsmi oyuna çıxıb. Bu qarşılaşmalarda komanda 12 qələbə, 4 heç-heçə və 7 məğlubiyyət əldə edərək orta hesabla hər oyunda 1.74 xal toplayıb.

Telegramda izləyin