Londonda türk vətəndaşı silahlı hücum nəticəsində öldürülüb

Londonda dəhşətli silahlı hücum baş verib.

Sonxeber.az türk mediasına istinadən xəbər verir ki, şəhərin ən prestijli bölgələrindən biri olan Stoke Newington-da 45 yaşlı türk vətəndaşı, iki uşaq atası Erdal Özmen küçənin ortasında odlu silahla vurularaq həyatını itirib. Hadisə bazar ertəsi gecə saat 00:18 radələrində baş verib. Silah səsləri bölgə sakinlərini yuxudan oyadıb. Polis hadisə yerinə qısa müddətdə çatsa da, Özmenin həyatını xilas etmək mümkün olmayıb.

Hackney-də sosial klub işlədən Erdal Özmenin öldürülməsi, bu il Londonda baş verən və ölümlə nəticələnən altıncı silahlı hücum kimi qeydə alınıb. Hadisə ilə bağlı hələlik heç kim saxlanılmayıb.

Polis ilkin açıqlamasında hücumun məqsədli şəkildə törədildiyini və ictimaiyyətə qarşı bir təhlükə olmadığını bildirib. Lakin bəzi sakinlər hadisənin çete əlaqəli ola biləcəyini iddia edir.

Hadisənin şahidlərindən 58 yaşlı Liza Dodds, yaşadıqlarını belə təsvir edib:
"Gecə həyat yoldaşım silah səsləri ilə oyandı. Pəncərədən baxanda polis əməkdaşlarının yerdə uzanan adama uzun müddət ürək masajı etdiyini gördük."

Dodds bölgənin adətən çox təhlükəsiz və zəngin olduğunu vurğulayaraq deyib:
"Ev qiymətləri milyonlarla funt dəyərindədir, əsasən bankirlər və vəkillər yaşayır. Hamı bir-birini tanıyır, belə bir hadisə gözlənilməz idi."

Başqa bir şahid Rosa Gilbert də hadisə anında böyük panika yaşandığını bildirib:
"Silah səsindən bir neçə dəqiqə sonra çoxlu polis və təcili yardım maşını gəldi. İnsanların qışqırtı səsləri eşidilirdi."

Sakinlərdən Anneli Knight isə hadisənin çete əlaqəli ola biləcəyi barədə söz-söhbətlər olduğunu, lakin bunun birbaşa yerli əhaliyə qarşı olmadığını deyib:
"Yenə də belə bir şeyin bu məhəllədə baş verməsi narahatlıq doğurur."

Digər bir sakin Paul Orris isə deyib:
"Gecə üç silah səsi eşitdim, əvvəlcə havai fişek olduğunu düşündüm. Az sonra polis sirenləri eşidildi."

Polis araşdırmanı davam etdirir. Son aylarda Londonda artan silahlı hücumlar bölgə sakinləri arasında ciddi narahatlıq yaradıb.

Telegramda izləyin