Modada və interyerdə estetik üslubunuzu doğulduğunuz ay müəyyən edir

Məsələn, iyun ayında doğulan insanlar günəşin və dənizin övladlarıdır. Onların həyat tərzi dəniz küləyi, kətan geyimlər və rahat zəriflik ilə assosiasiya olunur.

Lent.az bununla bağlı məlumatları təqdim edir:

Ay doğumunuz zövqünüz haqqında çox şey deyə bilər
Estetik dünyagörüş – incə və fərdi məsələdir. Kimisi incə düşünülmüş obrazlara üstünlük verir, kimisi üçün isə rahatlıq və səmimiyyət daha önəmlidir. Mütəxəssislərin fikrincə, doğulduğunuz ay sizin moda, interyer və ümumi üslub zövqünüz haqqında çox şey deyə bilər.

Xatırlatma
Bu material əyləncəli məzmun daşıyır. Aşağıda bəhs edilən astrologiya, numerologiya, ekstrasenslik və oxşar sahələr elmi deyil. Onlar qədim ənənələrə və inanc sistemlərinə əsaslanır və akademik elmdə qəbul olunmuş sübutlara malik deyillər. Sağlamlıq və psixoloji məsələlərdə həmişə peşəkar mütəxəssislərə müraciət edin.

Estetik üslubunuzu ayınıza görə kəşf edin:
Yanvar – "Dark academia" (Qaranlıq akademiya)
Yanvarda doğulan insanlar dərin düşüncəli, bilik axtarışında olan və incə zövqlü olurlar. Tünd rənglər, vintage intellektual motivlər və klasik estetik onların xarakterini əks etdirir ağıllı, ciddi və bir az sirli.

Fevral – "Dreamcore" (Xəyal estetikası)
Fevral doğumluları xəyalpərəst və romantikdirlər. Dreamcore – yuxunu, nostaljini və incə emosiyaları əks etdirən estetikadır. Bu üslub onların incə ruhunu və qeyri-reallığa olan sevgisini əks etdirir.

Mart – "Fairycore" (Nağıl estetikası)
Mart ayında doğulanlar intuitiv və hissiyyatlı insanlardır. Onlar gündəlik həyatda sehr axtarır, təbiəti sevir, möcüzəyə inanırlar. Fairycore təbiət, meşə, çiçəklər və sehrli varlıqlarla dolu estetikadır.

Aprel – 2000-ci illərin pop-parlaq üslubu
Apreldə doğulanlar ehtiraslı, enerjili və bəzən də impulsivdir. 2000-ci illərin parlaq və bir qədər şou-biznesə bənzər estetikası onların özünəinamını və diqqət çəkmə istəyini əks etdirir.

May – "Cottagecore" (Kənd romantikası)
May doğumluları sevgi dolu, səmimi və təbiətə yaxın insanlardır. Təbii parçalar, gül-çiçəkli interyerlər və sadə kənd həyatı onların daxili harmoniyasını əks etdirir.

İyun – Dəniz sahili tərzi (Coastal Chic)
İyunda doğulanlar – günəş və dənizlə iç-içədirlər. Onların estetikası kətan köynəklər, pastel tonlar və rahat zərifliklə bağlıdır. Coastal chic onların təbii mühitidir.

İyul – Vintage Amerika

İyulda doğulan insanlar klassikaya və keçmişə nostalji ilə yanaşır. Köhnə Hollivud, retro moda, təmkinli zəriflik onların ruhuna uyğundur.

Avqust – "Old Money" estetikası (Köhnə zənginlik)

Avqust doğumluları zəriflik və mötəbərlik arasında balans tapmağı bacarırlar. Sadə, lakin elit üslub, özünəinam və abır bu estetikaya xasdır.

Sentyabr – Torpaq tonlarında minimalizm
Sentyabrda doğulanlar praktik və detallara önəm verən şəxslərdir. Onların seçimi – sakit rənglər, ekoloji materiallar və sadəlikdə gözəllik.

Oktyabr – Mistik boho (Boho + cadugərlik estetikası)
Oktyabr doğumluları sirli və incə duyğulu olurlar. Onların üslubu – lay-lay geyimlər, etnik naxışlar və okkult simvollarla zəngin boho tərzidir.

Noyabr – Qlamur elementli qranj (Grunge)
Noyabrda doğulanlar güclü, xarizmatik və ziddiyyətli şəxslərdir. Onların estetikası – qaranlıq və sərt grunge ilə incə, seçilən dəbdəbənin qarışığıdır.

Dekabr – Qızılı mistika
Dekabr doğumluları – ideallara bağlı, praktik və eyni zamanda ruhani axtarışda olan insanlardır. Onların üslubu – metallik parıltılar, qış sehrləri və zərif praktiklik ilə seçilir.

Telegramda izləyin