Ayasofya məscidini yandırmağa cəhd ediblər

İstanbulun tarixi Ayasofya-i Kebir Cami-i Şerifində yanğın törətməyə cəhd edən şəxs M.G. polis tərəfindən saxlanılıb və məhkəmə qərarı ilə həbs edilib.

Sonxeber.az türk mediasına istinadən xəbər verir ki, hadisəyə dair yeni təfərrüatlar isə gündəmə bomba kimi düşüb.

Hadisə necə baş verib?

11 iyul saat 23:50 radələrində Ayasofya məscidinə daxil olan M.G., əlindəki kağızları rahlənin arxasında yandıraraq xalçanın alışmasına səbəb olub. Alovları görən qadın ziyarətçi dərhal məscid imamını xəbərdar edib. Camaatdan bir nəfər isə yanan xalçanı qaldıraraq alovlara müdaxilə edib və yanğın qısa müddətdə söndürülüb.

İzlər itirilməyə çalışılsa da…

Hadisədən sonra İstanbul Emniyyət Müdirliyinin əməkdaşları məsciddə araşdırmalara başlayıb. Təhlükəsizlik kameraları incələndikdən sonra şübhəlinin hadisədən sonra Sultanahmet meydanı istiqamətində uzaqlaşdığı müəyyən edilib. Kimliyi aşkarlanan M.G., evində saxlanılaraq gözaltına alınıb. 13 iyulda məhkəməyə çıxarılan M.G., tutularaq həbsxanaya göndərilib.

Yeni təfərrüatlar ortaya çıxdı

Araşdırmalar zamanı M.G.-nin Sultanahmet bölgəsinə şəxsi avtomobili ilə gəldiyi, özü ilə ehtiyat geyimlər və ətir şüşəsi gətirdiyi məlum olub. M.G. məscidə piyada gedərək, kütüxanadan bir İncil götürüb, onun səhifələrini cıraraq çakmaqla yandırıb, üzərinə ətir sıxaraq alovun daha da yayılmasına səbəb olub. Xalçanın alışdığını görən şübhəli sürətlə məsciddən uzaqlaşıb və Sultanahmetdəki izdihama qarışaraq kameralar tərəfindən görülməməyə çalışıb.

Daha sonra avtomobilinin yanına qayıdan M.G., əvvəlcədən hazırladığı ehtiyat geyimləri dəyişərək Kağıthanedəki evinə gedib. İstanbul Emniyyət Müdirliyinin Terrorla Mübarizə Şöbəsi tərəfindən həyata keçirilən əməliyyatla saxlanılan şübhəlinin evində hadisədə istifadə etdiyi ətir şüşəsi də tapılıb.

İstanbul Emniyyət Müdirliyinin Terrorla Mübarizə və Kəşfiyyat Şöbələri tərəfindən hadisə ilə bağlı araşdırmalar davam etdirilir.

Telegramda izləyin