Peter Siyarto: "Hər bir qarşıdurmanın sona çatması bütün dünya üçün yaxşı xəbərdir"

"Dünyada baş verən müharibə və silahlı münaqişələr hər kəsin təhlükəsizliyini təhdid edir, buna görə də hər bir qarşıdurmanın sona çatması bütün dünya üçün yaxşı xəbərdir".

Oxu.Az-ın verdiyi məlumata görə, bunu Macarıstanın xarici işlər və ticarət naziri Peter Siyarto özünün "X" hesabında bəyan edib.

Onun sözlərinə görə, Azərbaycan və Ermənistan arasında dünən imzalanmış ilkin sülh sazişi təkcə Qafqaz regionunun deyil, həm də qlobal təhlükəsizliyin möhkəmlənməsi baxımından böyük irəliləyişdir.

Nazir vurğulayıb ki, ABŞ Prezidenti Donald Tramp bir daha özünü "sülh prezidenti" kimi təsdiqləyib.

"Biz burada, Mərkəzi Avropada ümid edirik ki, Pakistan-Hindistan, İran-İsrail və Azərbaycan-Ermənistan münaqişələrindən sonra Alyaskada keçiriləcək danışıqlarda Rusiya-Ukrayna müharibəsinə də son qoyulacaq", - deyə Siyarto əlavə edib.

Telegramda izləyin