Peşəkar boksçu döyüş zamanı aldığı xəsarətdən vəfat edib

Peşəkar boksçu Şigetoşi Kotari avqustun 2-də Yamato Hata ilə döyüşdə aldığı kəllə-beyin travması səbəbindən bu gün 28 yaşında vəfat edib.

Oxu.Az xəbər verir ki, Yaponiyanın tanınmış boksçusu Şigetoşi Kotari ağır zədəyə görə kraniotomiya əməliyyatı keçirib.

Bu əməliyyat Yaponiyanın boks üzrə idarəetmə orqanlarının qaydalarına görə idmançının avtomatik olaraq karyerasını bitirməsinə səbəb olub. Əməliyyatdan iki gün sonra Yaponiya Boks Komissiyası Kotarinin hələ də müşahidə altında olduğunu təsdiqləmişdi.

Avqustun 2-də keçirilən titul döyüşündən təxminən bir həftə sonra komissiya sosial media vasitəsilə Kotarinin aldığı xəsarətlərə tab gətirə bilmədiyini və vəfat etdiyini açıqlayıb.

Telegramda izləyin