İranda qadın 22 ildə 11 dəfə evləndi, ərlərini zəhərləyib öldürdü
İranın Mazandaran vilayətində 56 yaşlı Kolsum Əkbəriyə qarşı 11 nəfəri qəsdən öldürmə və bir nəfəri öldürməyə cəhd ittihamı irəli sürülüb.
Qaynarinfo xəbər verir ki, prokurorluğun iddiasına görə, Əkbəri 2000-2023-cü illərdə əsasən özündən xeyli yaşlı kişilərlə evlənərək onların mehir pullarını və miras qalan əmlaklarını ələ keçirib, daha sonra qan təzyiqi, şəkər, sakitləşdirici dərmanlar və bəzi hallarda etil spirti qarışığı ilə zəhərləyib. İddia olunur ki, dərman təsir etmədikdə qurbanlarını yastıq və dəsmallarla boğaraq öldürüb.
Cinayətlər Sari, Neka, Mahmoudabad, Babol və Qaemşəhr də daxil olmaqla müxtəlif şəhərlərdə baş verib ki, bu da ölüm halları arasında əlaqə qurulmasını illərlə çətinləşdirib. Rəsmi məlumatlara görə, təsdiqlənmiş qurbanlar arasında Mirəhməd Omrani (69), İsmayıl Bəxşi (62) və Qancəli Həmzeyi (83) də var.
2020-ci ildə Məsih Nəmatinin zəhərlənmə cəhdindən sağ qalması ilə cinayətlərin izi sürülməyə başlanıb. Sonuncu qətl - 82 yaşlı Qulamrza Babaeinin ölümü - 2023-cü ildə Əkbərinin həbsinə səbəb olub.
Məhkəmədə təqdim edilən rekonstruksiya görüntülərindən sonra Əkbəri cinayətləri etiraf etsə də, öldürdüyü dəqiq insan sayını xatırlamadığını, bunun 13-15 nəfər ola biləcəyini deyib. Onun vəkili psixi durumunun araşdırılmasını tələb etsə də, zərərçəkən ailələr buna etiraz edərək İslam qanunlarına əsasən edam cəzası istəyib.
İran ictimaiyyətində böyük rezonans doğuran iş, hətta televiziya serialına mövzu olub. Qurban ailələri isə bu cür ağır hadisənin sosial mediada zarafata çevrilməsindən narahatlıqlarını bildiriblər. Məhkəmənin hökmü bütün iddiaçılar dinlənildikdən sonra açıqlanacaq.
Sonxeber.az
Telegramda izləyin
Dünyada Baxılıb: 1040 Tarix: 11 avqust 2025
Şikayətiniz varsa Whatsapp: 077 7125666
Facebookda Paylaş
Minlərlə il əvvəl yoxa çıxan göl Ölüm vadisinə qayıtdı
100 00 il əvvəl ABŞ-də yoxa çıxan Menli gölü indi yenidən Ölüm vadisində peyda olub. "Fox News"a istinadən xəbər verir ki, ərazidəki rekord miqdarda yağışlardan sonra su hövzəsi canlanıb. Alimlərin fikrincə, göl bir vaxtlar 257 kilometrədək uzanıb və təxminən 200 metr dərinliyə çatıb. Böyü
14 dekabrBMT Baş katibi Sidneydə törədilən terror aktını pisləyib
BMT Baş katibi Antoniu Quterreş Sidneydə Hanuka bayramı zamanı baş verən və 12 nəfərin həlak olduğu silahlı hücumu pisləyib. "Report" xəbər verir ki, Quterreş bu barədə "X" sosial şəbəkəsində yazıb. "Sidneydə Hanukanı qeyd etmək üçün toplaşan yəhudi ailələrinə qarşı törədilə
14 dekabrKişi arvadını həddindən artıq yediyinə görə məhkəməyə verdi
Çinin Harbin şəhəri yaxınlığındakı Vuçan kəndinin sakini altı aylıq evliliyindən sonra arvadını məhkəməyə verib, çünki onun fikrincə, o, "həddindən artıq yeyib". -ın xarici mediaya istinadla xəbərinə görə, çinli kişi arvadının qohumlarına nişanlandıqları zaman ödədiyi cehizin - 20.00 yuanı
14 dekabrXərçəngdən ölüm sayı 2050-ci ilə qədər ikiqat artacaq - Araşdırma
Dünyanın ən genişmiqyaslı qlobal xəstəlik araşdırma proqramı olan Qlobal Xəstəlik Yükünün (GBD) apardığı tədqiqatlar qorxunc proqnozları üzə çıxarıb. xəbər verir ki, tədqiqatların nəticələrinə görə zəruri tədbirlər görülməsə, dünyada xərçəngdən ölüm hallarının 2050-ci ilə qədər ikiqat artacağı gözlənilir
14 dekabrTropik qasırğa Şri-Lankanı cənginə alıb: Ölənlərin sayı 643 nəfərə çatıb
Şri-Lankada bir neçə həftədir müşahidə edilən "Ditva" tropik qasırğası nəticəsində ölənlərin sayı 643 nəfərə çatıb. xəbər verir ki, bu barədə məlumatı ölkənin Fövqəladə Hallar Mərkəzi yayıb. Bildirilir ki, təbii fəlakət nəticəsində daha 184 nəfər itkin hesab olunur. "Ditva" Şri-Lankad
14 dekabr