Hamilə aktrisa İrem Helvacıoğlu tətildə qəza keçirdi – Boynunda yırtıq əmələ gəldi

Türkiyənin tanınmış aktrisası İrem Helvacıoğlu, 7 aylıq hamilə olduğu dövrdə həyat yoldaşı Ural Kaspar ilə dənizdə olarkən taleyin qəribə təsadüfü nəticəsində qəza keçirib.

Sonxeber.az türk mediasına istinadən xəbər verir ki, boynunda yırtıq əmələ gəldiyini bildirən aktrisa, "Filmdə olsa ‘yox artıq’ deyərdiniz, mən isə iflic olduğumu sandım" sözləri ilə yaşadıqlarını izah edib.

Hadisəni sosial media hesabında izləyiciləri ilə bölüşən aktrisa belə danışıb:

"İstanbulun istisindən qaçmaq üçün bir ay əvvəl ailəmin yanına getdim. Dənizə rahat girəcəyimi düşündüm. Ural ilə birlikdə duba üzərinə çıxmaq istədik. O an iki uşaq da duba üzərinə çıxırdı. Birincisi çıxdı, ikincisi çıxarkən əlim nərdivanda idi. Uşaq akrobatik bir hərəkətlə başıma düşdü. Boynum geriyə əyildi. Dənizin içində olduğumuz üçün körpə təsirlənmədi. Ancaq sudan çıxanda iflic olduğumu sandım. Ertəsi gün İstanbul’a qayıtdıq. Müayinə zamanı boynumdakı diskin sinirə təzyiq etdiyini, əlimdəki keyimələrin səbəbinin bu olduğunu və boynumda yırtıq əmələ gəldiyini öyrəndik. Ayaqlarımın suya toxunmaması bu prosesi yüngül keçirməyimə səbəb oldu."

Paylaşımının ardından aktrisaya minlərlə "keçmiş olsun" mesajı göndərilib.

Telegramda izləyin