23 yaşlı gənc evində şübhəli şəkildə ölü tapıldı

İstanbulun Şişli rayonunun Paşa məhəlləsində 23 yaşlı gənc evində ölü halda tapılıb.

Sonxeber.az türk mediasına istinadən xəbər verir ki, hadisə dünən saat 13:30 radələrində baş verib.

Məlumata görə, 4 mərtəbəli binanın ikinci mərtəbəsində tək yaşayan Yusuf Emin Çanlı (23) ilə bir müddət əlaqə saxlamayan xalası Azime Çanlı (54) onun həyatından narahat olaraq evə gedib. Ancaq içəri girə bilməyən qadın polisə və təcili tibbi yardıma xəbər verib.

Hadisə yerinə gələn polis və səhiyyə işçiləri mənzilə daxil olduqda Çanlını divanda yarıçılpaq vəziyyətdə hərəkətsiz uzanmış halda görüblər. Təcili tibbi yardım əməkdaşlarının yoxlamasından sonra gəncin həyatını itirdiyi müəyyən edilib.

Prokurorluq və Şişli Cinayət-Araşdırma Şöbəsi əməkdaşlarının apardığı araşdırma zamanı evin qonaq otağı və digər otaqlarında narkotik maddə olduğu ehtimal edilən həb tapılıb. Bundan əlavə, mərhumun qollarında göyərmə izləri aşkarlanıb. Araşdırmaların ardından Yusuf Emin Çanlının cəsədi məhkəmə-tibbi ekspertizaya göndərilib.

Cənazə evdən çıxarıldığı anda mərhumun halası sinir böhranı keçirib. Tabut aparılarkən "Yusifim, mənə bunu edəcəkdinmi? Məni də apar yanına" deyərək fəryad edib. Yaxınlarının çətinliklə sakitləşdirməyə çalışdığı qadın, uzun müddət tabuta sarılaraq ağlayıb.

Telegramda izləyin