Ev yoldaşını öldürən 21 yaşlı şübhəli saxlanıldı

Antalyanın Alanya rayonunda birlikdə kirayə qaldığı şəxsi odlu silahla öldürən 21 yaşlı M.U., Gümüşhanədə polisin əməliyyatı nəticəsində tutulub.

Sonxeber.az türk mediasına istinadən xəbər verir ki, hadisə Alanyanın Saray məhəlləsində yerləşən apartman mənzilində baş verib.

Məlumata görə, 3 ay əvvəl makler vasitəsilə ev kiralayan iki nəfər birgə yaşamağa başlayıb. Lakin hələlik naməlum səbəbdən M.U., birlikdə yaşadığı 28 yaşlı Abdulcebbar Yıldızı başından tapança ilə vuraraq öldürüb. İddiaya görə, M.U. hadisədən sonra evin maklerinə zəng edərək: "Tuttğum evdə qətl törətdim" deyib. Emlakçı isə dərhal polisə məlumat verib.

Məlumat əsasında hadisə yerinə çoxlu sayda polis və kriminalistik qrup göndərilib. Polis geniş araşdırma aparıb, meyit Alanya Bələdiyyəsinin morquna yerləşdirilib. Meyitin üzərində şəxsiyyət vəsiqəsi olmasa da, kimliyinin Abdulcebbar Yıldız olduğu müəyyən edilib.

Hadisədən sonra qaçan M.U., gecə saatlarında Gümüşhanədə tutulub. Məlumata görə, o, şəhərdə gecələmək üçün yer axtararkən hərəkətlərindən şübhələnən çarşı və məhəllə nəzarətçiləri tərəfindən yoxlanılıb. Kimlik sorğusunda onun qətl şübhəlisi olduğu müəyyən edilib və polis əməliyyatı ilə bir kişi yataqxanasında saxlanılıb.

Şübhəlinin polis idarəsindəki istintaq hərəkətləri davam etdirilir.

Telegramda izləyin