Yunanıstanda virus həyəcanı: Ölənlər var

Yunanıstanda Qərbi Nil virusu iki insanın ölümünə səbəb olub.

Oxu.Az "Anadolu" agentliyinə istinadən xəbər verir ki, Yunanıstanın Milli İctimai Səhiyyə Təşkilatının son hesabatında Qərbi Nil virusundan ölən iki nəfərin yaşlı olduğu və xroniki xəstəliklərdən əziyyət çəkdiyi bildirilib.

Məlumatda qeyd olunub ki, ilin əvvəlindən avqustun 20-dək ölkə üzrə laboratoriya müayinələri nəticəsində ümumilikdə 47 yoluxma faktı təsdiqlənib.

Qeyd edilir ki, Qərbi Nil virusuna yoluxma hallarının təxminən 80 faizində açıq-aşkar simptomlar müşahidə olunmur. Lakin yanaşı xəstəliklər səbəbindən yoluxmanın ağır nəticələr doğurma ehtimalı var.

Telegramda izləyin