3 yaşlı uşaq valideyinlərinin önündə qana bulandı - VİDEO

Şanlıurfanın Ceylanpınar rayonunda 3 yaşlı uşaq küçədə qaçarkən avtomobilin altında qalıb. Hadisə Seydo Atilla məhəlləsində baş verib.

Sonxeber.az türk mediasına istinadən xəbər verir ki, Bahoz Ali İ. adlı 3 yaşlı uşaq ara küçədə gözləyən valideynlərinin yanında motosikletə mindirilmək istənib. Motosikletə minmək istəməyən uşaq valideynlərindən əsas yola doğru qaçıb. Motosikletdən düşən valideynlər uşağın ardınca qaçsa da, yetişə bilməyiblər.

Viranşehir Caddəsinə çıxan uşağa Mustafa İ.-nin idarə etdiyi 63 F 4433 nömrəli avtomobil çarpıb. Çarpmanın təsiri ilə uşaq təxminən 10 metr irəliyə tullandığı müşahidə olunub. Hadisənin anları bir iş yerinin təhlükəsizlik kamerasına düşüb.

Ceylanpınar Dövlət Xəstəxanasına çatdırılan uşaq vəziyyətinin ağır olması səbəbilə ilkin müdaxilədən sonra Şanlıurfaya göndərilib.

Hadisə zamanı köməyə gələnlərdən Serhat Karav bildirib: "Uşağın qaçdığını gördüm, avtomobil vurdu və təxminən 10 metr irəliyə sürüklədi. Mən dərhal götürüb xəstəxanaya apardım."

Hadisə ilə bağlı araşdırma davam edir.

Telegramda izləyin