Bir qadın 14 dəfə eyni yerdən oğurluq etdi – 15-ci dəfədə yaxalandı

Samsunun İlkadım rayonunda yerləşən çiçəkçi dükanında maraqlı oğurluq hadisəsi baş verib.

Sonxeber.az türk mediasına istinadən xəbər verir ki, istasyon məhəlləsində səhər saatlarında bir qadın iş yerinin qarşısındakı masada olan paketdən dibçəyi götürərkən qonşu esnaf Ali Yakut tərəfindən cinayət başında yaxalanıb.

Qadın, hərəkətini soruşan esnafa əvvəlcə "yalnız qovun götürdüm, pulunu verərəm" deyərək uzaqlaşmaq istəyib. Daha sonra hadisə barədə dükan sahibi Serkan Bankoğlu məlumatlandırılıb və təhlükəsizlik kameraları incələnib.

Görüntülərdə həmin qadının eyni iş yerinə dəfələrlə gəldiyi, masa üzərindəki küp şəkər, nəm salfet, kağız dəsmal, duz, qovun və çay kimi məhsulları oğurladığı ortaya çıxıb. Beləliklə, qadının ümumilikdə 14 dəfə oğurluq etdiyi, 15-ci cəhdində isə yaxalandığı müəyyən edilib.

Hadisəni anladan Ali Yakut:
"Paketləri qarışdırdığını gördüm. Saksıları götürdüyünü görüncə ‘bunları oğurlamağa utanmırsanmı?’ dedim. O isə ‘yalnız qovun aldım, pulunu verim’ deyərək uzaqlaşdı. Kameralara baxanda isə 14 ayrı oğurluq etdiyini gördük", – deyə bildirib.

İş yeri sahibi Serkan Bankoğlu isə:
"Dükkanı açalı 1,5 il oldu. Daha əvvəl 2 dəfə oğurluq baş vermişdi, amma bu qədər həyasızlıq görməmişdim. Bunları deməyə belə utanıram. Yeter ki, bizdən uzaq dursunlar", – sözlərini əlavə edib.

Telegramda izləyin