Keçmiş vəzifəli şəxs ailə münaqişəsi zamanı güllələnərək öldürüldü

Şanlıurfanın Birecik rayonunda ailə üzvləri arasında baş verən dava faciə ilə nəticələnib.

Sonxeber.az türk mediasına istinadən xəbər keçmiş Ziraat Odası sədri Mehmet Hıdır Çakmak (55) yaxınları arasındakı mübahisəni sakitləşdirmək istəyərkən silahla vurularaq həyatını itirib.

Hadisə axşam saatlarında rayonun Güvenir kəndində baş verib. Məlumata görə, Çakmakın oğlu ilə qohumu Salih Ç. (28) uzun müddətdir davam edən torpaq mübahisəsinə görə Birecik mərkəzində mübahisə ediblər. Daha sonra tərəflər məsələni ailə böyüklərinə danışmaq üçün kəndə gəliblər.

Mübahisənin böyüməsinin qarşısını almaq istəyən Mehmet Hıdır Çakmak qarşı tərəfin evinə gedib. İddiaya görə, Çakmakı görən ailə üzvləri silahla atəş açıb. Ağır yaralanan Çakmak Birecik Dövlət Xəstəxanasına çatdırılsa da, həkimlərin səylərinə baxmayaraq həyatını xilas etmək mümkün olmayıb.

Hadisə ilə bağlı kəndə cəlb edilən jandarma qüvvələri Zekeriya Ç., Salih Ç. və Mehmet Ç. adlı şəxsləri saxlayıb. Mehmet Hıdır Çakmakın kim tərəfindən vurularaq öldürüldüyü araşdırılır.

Hadisə ilə bağlı istintaq davam edir.

Telegramda izləyin