Boya fabrikində kimyəvi zəhərlənmə: 1 işçi ölüb

Türkiyənin Tekirdağ vilayətinin Kapaklı rayonunda boya fabriki işçilərindən biri kimyəvi maddədən zəhərlənərək ölüb, digəri isə xəstəxanada müalicə altına alınıb.

Sonxeber.az türk mediasına istinadən xəbər verir ki, hadisə Çerkezköy Organize Sənaye Zonasında fəaliyyət göstərən boya fabrikində baş verib. İşçilərdən Ferdi H. boya qazanına düşən bir parçanı götürmək üçün içinə girib. Qısa müddət sonra kimyəvi maddənin təsirindən zəhərlənən Ferdi H. huşunu itirib.

Onu elə vəziyyətdə görən M.D. də qazana girərək kimyəvi maddədən təsirlənib.

Hadisəni görən işçilərin xəbər verməsi ilə fabrikə polis, təcili tibbi yardım və AFAD xidməti göndərilib. Qrupların qazandan çıxardığı işçilər Çerkezköy Dövlət Xəstəxanasına çatdırılıb.

Ağır vəziyyətdə olan Ferdi H. xilas edilə bilməyib, M.D.-nin müalicəsi davam edir. Xəstəxananın Kimyəvi, Bioloji, Radioloji və Nüvə (KBRN) bölməsində önləyici tədbirlər görülüb.

Faktla bağlı araşdırma aparılır.

Telegramda izləyin