Hindistanda dəhşətli cinayət: Ər arvadını dəri rəngini bəyənmədiyi üçün diri-diri yandırdı

Hindistanın şimalındakı Udaipur şəhərində qan donduran hadisə baş verib.

Sonxeber.az xarici mediaya istinadən xəbər verir ki, bir kişi, evləndiklərindən cəmi bir il sonra həyat yoldaşını dərisinin tünd rənginə görə üzərinə turşu qoxulu maye tökərək diri-diri yandırıb.

Ağır yanıq xəsarətləri alan və daha sonra dünyasını dəyişən Lakshmi adlı qadın ölümündən əvvəl verdiyi ifadəsində ərinin – Kishandasın, evləndikləri gündən bəri onu dəfələrlə "əsmər" deyə təhqir etdiyini, məsxərəyə qoyduğunu bildirib.

Hadisənin təfərrüatları isə ürəkparçalayıcı olub. Qatil ər əvvəlcə arvadına "dərinin rəngini açacaq dərman" adı altında plastik şüşədə gətirdiyi mayeni sürtüb. Daha sonra isə tüstü çubuğu ilə qadını alovlandıraraq yandırıb.

Məhkəmə prosesindən sonra Kishandas ölüm hökmünə məhkum edilib. Dövlət ittihamçısı Dinesh Paliwal BBC-yə açıqlamasında belə deyib:

"Bu qərar tarixə düşəcək. Cəmiyyətə dərs olsun istədik. O, birinin qızı idi, birinin bacısı idi. Əgər biz qızlarımızı qorumasaq, kim qoruyacaq?"

Telegramda izləyin