Prokurorun boğazını kəsən şəxs görün necə saxlanıldı - VİDEO

İstanbulun Çekmeköy rayonunun Ömərli məhəlləsində dünən axşam saatlarında dəhşətli cinayət hadisəsi baş verib.

Sonxeber.az türk mediasına istinadən xəbər verir ki, 53 yaşlı Cumhuriyyət prokuroru Ercan Kayhan, əvvəllər aralarında ədavət olduğu bildirilən 19 yaşlı Mustafa Can Gül tərəfindən restoranda boğazından bıçaqlanaraq qətlə yetirilib.

Hadisədən dərhal sonra saxlanılan şübhəli Mustafa Can Gül, jandarmadakı ifadəsi alındıqdan sonra məhkəməyə göndərilib. Onun ədliyəyə aparıldığı anlar isə kameralara saniyə-saniyə əks olunub.

Məlumata görə, Mustafa Can Gül cinayətin törədildiyi həmin restoranda 2 il boyunca ofisiant kimi çalışıb. Onun "qadına qarşı zorakılıq", "israrlı izləmə" və "mənzil toxunulmazlığını pozma" maddələri üzrə 3 dəfə cinayət məsuliyyətinə cəlb olunduğu, həmçinin 09.11.2024–15.01.2025 tarixləri arasında Maltepe Cəzaevində saxlanıldığı müəyyən edilib.

İstintaq zamanı məlum olub ki, prokuror Ercan Kayhan tez-tez həmin restorana müştəri kimi gedirmiş. Həmin dövrdə ofisiant işləyən Mustafa Can Gül ilə naməlum səbəbdən aralarında mübahisə yaranıb və ədavət də bu səbəbdən başlayıb. Dünən axşam isə Gül restorana gələrək Ercan Kayhanı boğazından bıçaqlayıb.

Hadisə yerində cinayət aləti ilə yaxalanan şübhəli saxlanılıb, restoranda aparılan araşdırmalarda isə sübutlar toplanıb. Qətllə bağlı istintaq davam etdirilir.

Telegramda izləyin