Məktəbli çantasından narkotik çıxan şəxs həbs edildi - VİDEO

Adananın Seyhan rayonunun Yeşiloba məhəlləsində yerləşən avtoservisdə keçirilən əməliyyat zamanı külli miqdarda narkotik vasitə aşkarlanıb.

Sonxeber.az türk mediasına istinadən xəbər verir ki, İl Emniyyət Müdürlüğü Narkotiklə Mübarizə şöbəsi əməkdaşlarının əldə etdiyi məlumata əsasən, adıçəkilən ünvanda axtarış aparılıb. Axtarış zamanı şkafın altında gizlədilən paket, qutu və məktəb çantasında 619,40 qram kokain, 1 kilo 580 qram skunk və 3 ədəd həssas tərəzi tapılıb.

Əməliyyat nəticəsində servisdə işləyən 24 yaşlı B.Ü. saxlanılıb. O, ifadəsində narkotiklərin ona aid olmadığını bildirərək, "Mənim deyil, dostumundur. Sadəlöhvlüyümdən istifadə etdilər, yaxşı niyyətim sui-istifadə olundu" deyə özünü müdafiə edib.

B.Ü. polis idarəsindəki prosedurlardan sonra məhkəməyə çıxarılıb və barəsində həbs qətimkan tədbiri seçilib.

Telegramda izləyin