Hər ay evinə girən pulu açıqlayan məmur, müzakirə mövzusuna çevrildi

Türkiyədə məmurlara yönəlik sosial media səhifəsində paylaşılan büdcə paylaşımı geniş müzakirələrə səbəb olub.

Sonxeber.az türk mediasına istinadən xəbər verir ki, mesajda, üç ildir evli olduqlarını və hər ikisinin də səhər 8-dən axşam 5-ə qədər işləyən məmur olduqlarını bildirən şəxs, aylıq ailə gəlirlərinin 110 min TL olduğunu qeyd edib.

Paylaşımda göstərilən büdcə bölgüsü belədir:
• Kirayə: 15 min TL
• Yeni alınmış avtomobil üçün kredit ödənişi: 25 min TL
• Qalan məbləğ: 70 min TL
• Aylıq qızıl yığımı: 25 min TL
• Qida və ev alış-verişi: 45 min TL

Mesaj "gizli saxlayın, zəhmət olmasa" qeydi ilə dərc edilib.

Bu paylaşım sosial şəbəkə istifadəçiləri arasında qızğın müzakirələrə səbəb olub. Ən çox diqqət çəkən şərhlər isə belədir:
• "15 minlik kirayə hardadır?"
• "Əgər pul yığa bilirsinizsə, niyə kredit faizi ödəyirsiniz?"
• "15 min kirayə haradır, Suriya?"
• "İstanbula gəlsələr, ancaq dolanmaq olar."
• "Hələ də deyirlər ki, məmur maaşı azdır."
• "İki nəfər işləyir, amma sanki bir nəfərin maaşını alırlar."

Əsasən 15 min TL-lik kirayənin real olub-olmaması və eyni zamanda həm kredit faizi ödəyib, həm də pul yığmağın məntiqsizliyi istifadəçilərin tənqid hədəfinə çevrilib. Bəzi şərhlərdə müxtəlif şəhərlərdəki kirayə qiymətlərinə diqqət çəkilib, bəzilərində isə ümumilikdə məmur maaşlarının alıcılıq qabiliyyəti müzakirə olunub.

Telegramda izləyin