Nar 8 manata satılır

Paytaxt bazarlarında artıq payız mövsümünün ənənəvi meyvələri satışa çıxarılıb.

Milli.Az xəbər verir ki, nar, heyva, xurma kimi məhsulların qiymətləri bu il daha yüksəkdir.

Narın kilosu bazarda 5-8 manat arasında dəyişir ki, bu da son illərlə müqayisədə kifayət qədər baha sayılır. Satıcılar qiymətlərin artmasını əsasən məhsulun məhdud olması ilə əlaqələndirirlər. Onların sözlərinə görə, cari mövsümdə narın məhsuldarlığı əvvəlki illərə nisbətən aşağıdır və buna görə də qiymətlər yüksək qalır:

"Qiymətlər 20 günə ucuzlaşacaq. Məhsul bol olanda qiymətlər enəcək".

Qeyd edək ki, mövsümün bu dövründə meyvə və tərəvəz bazarlarında qiymətlərin dəyişkən olması adi haldır və satışa çıxan məhsulun həcmi ilə birbaşa bağlıdır.

Telegramda izləyin