Mətbəxdə paket yığanlara mütəxəssislərdən xəbərdarlıq: Təhlükə saçır

Milyonlarla evdə marketlərdən gətirilən plastik paketlər "bir gün lazım olar" deyə mətbəx şkaflarında və ya rəflərin altında toplanır. Lakin mütəxəssislər demək olar ki, hər kəsin etdiyi bu vərdişin ciddi səhiyyə təhlükələri yaratdığını bildirərək, həmin paketlərin dərhal evdən atılması üçün çağırış ediblər.

Milli.Az xəbər verir ki, mətbəx şkaflarına sıxışdırılaraq yığılan plastik paketlər hava dövranını kəsir. Vaxt keçdikcə üzərində nəm təbəqəsi yaranan bu paketlər əvvəlcə ağır rütubət qoxusuna, daha sonra isə sürətli bakteriya və kif yaranmasına səbəb olur.

Paketlərin hər növ mikrobu üstünə çəkdiyini bildirən qida mütəxəssisləri onların sonradan çörək, tərəvəz və ya meyvə saxlamaq üçün istifadə edilməsinin qida təhlükəsizliyini riskə atdığını vurğulayırlar. Həmçinin bu plastiklərin tərkibindəki kimyəvi maddələr və mikroplastiklər zamanla ətrafa yayılaraq gigiyena problemlərini dərinləşdirir.

Həftələrlə şkaf altındakı qaranlıq və sıx yerlərdə qalan paketlər böcək və tarakanlar üçün ideal çoxalma məkanına çevrilir. Qaranlıq mühiti sevən zərərvericilər paket bükümlərinin arasında sürətlə çoxalaraq mətbəx gigiyenasını tamamilə məhv edir.

Telegramda izləyin