Dunyada Nobel və Oskar mükafatına layiq görülmüş bu dahinin həyat dərslərini dinləyək...

Dunyada Nobel və Oskar mükafatına layiq görülmüş bu dahinin həyat dərslərini dinləyək...Uilyam Şekspirdən sonra ingilis teatrının ən məşhur dramaturqu, sosializm və qadın hüquqlarının qatı müdafiəçilərindən olan bu şəxsiyyətin yumor hissi görkəmli irland yazıçısı Oskar Vayld kimi öz dövrü üçün unikal xarakterə malik idi və o, əsasən komediyaları ilə insanların yaddaşında qalıb.

Vegetarian olmaqla birlikdə, həyatı boyu siqaret çəkməyən və içki içməyən bu dahi şəxsiyyətin maraqlı mübarizələrindən biri dövlətin verdiyi rəsmi təhsilə qarşı çıxması olmuşdur.

Bəli, söhbət musiqi, sənət və teatr tənqidçisi olan irland yazıçısı Bernard Şoudan gedir. Yazıçı məktəblərdə aldığı təhsildən heç nə öyrənmədiyini açıq şəkildə etiraf edərək Dikkensin, Şekspirin, Benyanın kitablarından, "İncil"dən, "Min bir gecə" nağıllarından və anasının ifa etdiyi operalardan çox şey öyrəndiyini daima dilə gətirmişdir.

Bernard Şou dünyada həm ədəbiyyat üzrə Nobel mükafatına (1925-ci ildə), həm də "Piqmalion" filminin ssenarisinə görə Oskar mükafatına (1938-ci ildə) layiq görülən yeganə insandır. Lakin maraqlıdır ki, tanınmış yazar laureatlara verilən medalı qəbul etsə də, "Nobel"in pul mükafatından imtina etmişdir. Belə ki, yazıçının keçdiyi həyat yoluna nəzər saldıqda görürük ki, o, ümumiyyətlə, "Nobel" mükafatından belə imtina etmək istəmişdir. Lakin Bernard Şounun xanımı Nobel müafatının onun şəxsində İrlandiyaya verildiyinə inandırandan sonra o, qərarını dəyişmişdi. Bernard Şou hər cür təmtərağın əleyhdarı olduğundan təqdimat mərasimində iştirakdan qəti şəkildə imtina etmişdir. Mükafatın pul hissəsinə gəlincə, onu İsveç ədəbiyyatını ingilis dilinə tərcümə etmək üçün fondun yaradılmasına ayırmışdı.

İsveç ədəbiyyatşünası Per Halsterm pyeslərinə yazdığı dərin məzmunlu müqəddimələrə görə Bernard Şounu "bizim günlərin Volteri" adlandırmışdı.

Bəlkə də qəribənizə gələ bilər. Lakin qeyd edim ki, Bernard Şou son səhnə əsəri olan "Bayandın milyardları" pyesini 92 yaşında tamamlayıb. Həyatının sonuna qədər bitməz-tükənməz enerjiyə sahib olan bu irlandiyalı yumor hissini, iti ağlını, ən gözlənilməz fikir və mülahizələrə dərhal və hazırcavablıqla reaksiya vermək bacarığını ömrünün sonunadək qoruyub saxlamışdı.

O, 1950-ci ildə 94 yaşında olarkən ağac budadığı zaman nərdivandan yıxılması ilə aldığı yaraların sağalmaması nəticəsində vəfat etmişdir.

Sizi Bernard Şounun aforizmə çevrilmiş hikmət dolu xəzinəsindən olan bəzi söz inciləri ilə tanış etmək istərdik:

1 Ağıllı adam ağlını işlədir. Daha ağıllı adam başqalarının da ağlını işlədir.

2 Azadam, sağlamam, xoşbəxtəm və sıxıntıdan partlayıram.

3 Bacaranlar edir, bacarmayanlar isə başqalarını öyrədir.

4 Bəziləri mədəsi üçün yemək, digərləri isə yemək üçün mədə axtarır.

5 Bir işi bilən edər, az bilən ağıl verər, bilməyən tənqid edər, edə bilməyən qara yaxar.

6 Bizə dəli adamlar lazımdır, görün bu ağıllı insanlar mövcud vəziyyəti hansı hala gətirib çıxarıblar.

7 Çılpaq bədənlər bizi təəccübləndirmir artıq, çılpaq beyinlərdir varlığına dözə bilmədiyimiz.

8 Diş ağrısı çəkənlər dişləri sağlam olanların, kasıblar isə varlıların xoşbəxt olduqlarını zənn edirlər.

9 Əgər getdiyin yolda heç bir maneə yoxdursa, o yol səni heç bir yerə aparmaz.

10 Ən gözəl azadlıq anlayışı kölələrin xəyallarında canlandırdıqlarıdır. Çünki onlar azadlığın qorxuducu tərəflərini heç vaxt bilməzlər.

11 Həqiqətin içində olmaq bilmək demək deyildir. Əks təqdirdə balıqlar dəniz mövzusunda coğrafiyaşünaslardan və təbiət alimlərindən çox bilərdilər.

12 Həyat boyu xoşbəxt olmağa heç bir insan dözə bilməz, yoxsa dünya bir cəhənnəm olardı.

13 İnsan - kərpic kimidir, bişdikcə bərkiyir.

14 Qızıl qayda belədir: hər hansı qızıl qayda yoxdur.

15 Qocalmaq darıxdırıcıdır, amma uzun yaşamaq üçün yeganə metoddur.

16 Maaşımı ingilislərə necə yaşadıqlarını izah edərək qazandım. Onlar isə öz həyat tərzlərinin gülünclüyünü görməyib güldürmə qabiliyyətimə görə uğur qazandığımı zənn etdilər.

17 Məğlubiyyətə deyil, savaşa; kölə olmağa deyil, köləliyə; qonşunuz kimi varlı olmamağa deyil, yoxsulluğa qarşı baş qaldırın.

18 Məhəbbət teleskopdan, paxıllıq isə mikroskopdan baxır.

19 Mənim məşhurluğum hər uğursuzluğum ilə daha da artırdı.

20 Nifrət, ürəksizlərin qorxduqları zaman duyduqları bir qisas almaq istəyidir.

21 "Niyə?" sualını verdiyini eşidirəm. Daima "niyə?" sualını... Olanları görürsən və "Niyə?" – deyə soruşursan. Mən isə olmayanları xəyal edir və soruşuram: "Niyə olmasın?"

22 Oğru varlını, varlı isə yoxsulu soyur.

23 Pələng insanı öldürərsə, adı vəhşilik, insan pələngi öldürərsə, adı ovçuluq olacaqdır. Cinayət və ədalət arasındakı fərq bundan ibarətdir.

24 Sağlamlığınızı tükədənə qədər istifadə edin. Çünki o, bunun üçündür. Nəyiniz vardırsa, bitirin ölmədən öncə və qətiyyən yaşam müddətinizi aşmağa çalışmayın.

25 Sevdiyinizi əldə etməyə çalışın, yoxsa əlinizdəkini sevmək məcburiyyətində qalarsınız.

26 Sevmədiyiniz bir şeyi alqışlamaq yalanın bir çox formalarından biridir.

27 Susmağın gücünə inanıram. Bu mövzuda saatlarla danışa bilərəm.

28 Sükut nifrətin ən mükəmməl ifadəsidir.

29 Şənlənməyi bacaran insanların pulu yoxdur, pulu olan insanlar isə şənlənməyi bacarmır.

30 Tarixdən götürüləcək yeganə dərs odur ki, insanlar tarixdən heç vaxt dərs götürmürlər.

31 Təcrübələrimizdən bilirik ki, heç kim təcrübələrindən dərs çıxarmır.

32 Uşaqlarınıza dərs vermək istəyirsinizsə, özünüzü nümunə göstərin. Lakin sizin kimi olmaları üçün deyil, sizin kimi olmamaları üçün.

33 Yaxınına qarşı ən böyük günah nifrət deyil, laqeydlikdir; budur həqiqətən insaniyyətsizliyin zirvəsi.

34 Zarafatlarımın hamısı həqiqəti söyləməkdir. Dünyada bundan daha gülməli zarafat olacağını düşünmürəm.


Sonxeber.az
Telegramda izləyin
Maraqlı   Baxılıb: 997   Tarix: 08 sentyabr 2025  

Şikayətiniz varsa Whatsapp: 077 7125666

Facebookda Paylaş


Oxşar xəbərlər

.

Romantik şəxsiyyət TESTİ: Bir çiçək ideal ikinci yarınızı aşkarlayacaq

Sevgi tərzinizi kəşf etmək üçün səkkiz çiçəkdən birini seçin. Hər kəsin öz ideal partnyoru var. Bəziləri səxavətli jestlər və gözəl görüş gözləyir, bəziləri isə dinc ev mühitinə üstünlük verir. bildirir ki, bu təəccüblü dərəcədə dəqiq romantika testi, münasibətdən nə istədiyinizi və çiçək seçimləriniz

15 noyabr
.

Mətbəxdə paket yığanlara mütəxəssislərdən xəbərdarlıq: Təhlükə saçır

Milyonlarla evdə marketlərdən gətirilən plastik paketlər "bir gün lazım olar" deyə mətbəx şkaflarında və ya rəflərin altında toplanır. Lakin mütəxəssislər demək olar ki, hər kəsin etdiyi bu vərdişin ciddi səhiyyə təhlükələri yaratdığını bildirərək, həmin paketlərin dərhal evdən atılması üçü

7 noyabr
.

Sürücülər payızda avtomobilə niyə sabun parçası qoyurlar? - İnanılmaz SƏBƏB

Adi bir sabun parçası payız aylarında sürücülərin köməyinə çata bilər. Yağışların artması, havanın rütubətlənməsi və temperaturun tez-tez dəyişməsi avtomobil sahibləri üçün əlavə çətinliklər yaradır. Belə hallarda sadə məişət vasitələri də faydalı ola bilər. Məhz buna görə bəzi təcrübəli sürücülər avtomobili

15 noyabr
.

Klozetin içinə 1 ədəd su şüşəsi qoyun, fərqi görün

Evdə su sərfiyyatını azaltmaq məqsədilə klozet rezervuarlarına plastik şüşə qoyulması üsulu yenidən gündəmə gəlib. Mütəxəssislər düzgün quraşdırmanın vacibliyinə diqqət çəkiblər. xəbər verir ki, ev şəraitində su istehlakını azaltmaq üçün köhnə bir praktika olan rezervuara plastik şüşə yerləşdirmə üsul

7 noyabr
.

Hamı zibilə atır - Saç tökülməsinin və ağarmasının qarşısını alır

Fəsil dəyişikliyi və stress səbəbindən artan saç tökülməsinə qarşı bahalı kosmetik məhsullar əvəzinə mətbəxdəki təbii vasitələr həll yolu təqdim edir. Qidalandırıcı yağlar ehtiva edən bu üsul saç diblərini qısa müddətdə gücləndirərək tökülməni azaldır. xəbər verir ki, əksər hallarda zibil kimi atıla

14 noyabr
.

5 5 5 5 = 24: Bu tənliyi doğru edəcək üç riyazi işarə hansılardır?

Tənliyi doğru etmək üçün dörd 5 arasında üç riyazi işarə qoymalısınız. Dörd eyni rəqəm və istədiyiniz nəticə. Bu riyazi tapmacada yalnız üç hesab işarəsi yoxdur. Tapmaca şərti:. 5 5 5 5 = 24. -ın xəbərinə görə, tənliyi doğru etmək üçün dörd beşlik arasında üç riyazi simvol yerləşdirməlisiniz. Toplama

8 noyabr
.

Xurma niyə ağızda büzüşmə yaradır və nə qədər şəkərlidir?

Payızın gəlişi ilə xurma mövsümü də başlayır. Bu dadlı meyvə haqqında cəmiyyətdə müxtəlif yanlış təsəvvürlər mövcuddur. Bəziləri xurmanın həddindən artıq şəkərli və kalorili olduğunu düşünür, digərləri isə onun ağızda yaratdığı büzüşmə hissindən narahat olur. Bəs əslində xurma nə qədər faydalıdır v

15 noyabr
.

Dünyada sahili olmayan yeganə dəniz

Yer kürəsində sahili və limanı olmayan yeganə dəniz mövcuddur. Atlantik okeanının daxilində yerləşən Sarqasso dənizinin sərhədlərini quru sahələri deyil, dörd güclü okean axını formalaşdırır. -a istinadən bildirir ki, bu qeyri-adi dəniz Floridadan təxminən 950 kilometr şərqdə yerləşir. Ona ən yaxın qur

14 noyabr
.

800 illik qala 1 avroya satılır - Fotolar

Almaniyanın Saksoniya torpağında yerləşən Bad-Düben şəhər rəhbərliyi 800 illik tarixə malik Şnaditz su qalasını satışa çıxarıb. "Qafqazinfo" xəbər verir ki, şəhər mülk üçün simvolik olaraq cəmi 1 avro tələb edir, lakin bu "əlverişli" sövdələşmənin arxasında böyük maliyyə öhdəliklər

9 noyabr