300 minlik qızıl-zinət əşyası oğurlayan dəstə saxlanıldı

Kocaelinin İzmit rayonunda bir evə girərək 300 min TL dəyərində qızıl-zinət əşyası oğurlayan şəxslərdən E.G. və N.U. əməliyyatla yaxalanıb.

Sonxeber.az türk mediasına istinadən xəbər verir ki, onlardan birinin 114, digərinin isə 30 cinayət qeydi olduğu müəyyən edilib.

Hadisə ilə bağlı araşdırma aparan İl Emniyyət Müdürlüğü Asayiş Şube Müdürlüğü Hırsızlık Büro Amirliyi əməkdaşları şübhəlilərin kimliklərini müəyyən edib. 1 sentyabrda keçirilən əməliyyatla E.G. və N.U. Kırıkkaledə saxlanılıb. Məhkəmə qərarı ilə hər iki şəxs həbs olunaraq həbsxanaya göndərilib.

Məsələ ilə bağlı axtarışda olan digər şübhəli N.U. isə 7 sentyabrda İstanbulun Pendik rayonunda keçirilən əməliyyatla tutulub. Onun da emniyyətdəki prosedurlarından sonra məhkəməyə çıxarıldığı və barəsində həbs qərarı verildiyi bildirilib.

Telegramda izləyin