Ancelina Coli anası haqqında danışaraq ağladı: "Dedi ki..."

Aktrisa Ancelina Coli Toronto beynəlxalq kino festivalında təqdim olunan "Kuture" dramının premyerasında anası barədə danışarkən kövrəlib.

Qaynarinfo bu barədə "People" nəşrinə istinadən xəbər verir.

Tamaşaçıların xərçəngdən yaxınlarını itirənlərə nə məsləhət görəcəyi barədə sual zamanı Coli hönkürərək ağlayıb, sonra isə özünü toplayaraq anası ilə bağlı bir xatirəsini bölüşüb.

Aktrisanın anası Marşelin Bertran 2007-ci ildə yumurtalıq və döş xərçəngi səbəbindən vəfat edib. Coli anasının sözlərini belə xatırlayıb:

"Bir dəfə axşam yeməyində anamdan halını soruşdular, o isə əsəbləşdi: "Hamı məndən yalnız xərçəng barədə soruşur..." Mən insanlara məsləhət görərdim ki, belə vəziyyətdə olan yaxınları ilə başqa şeylər haqqında da danışsınlar. Çünki o, hələ də həyatda idi, başa düşürsünüzmü?".

"Kuture" filmində Coli aşağıbüdcəli qorxu filmləri çəkən rejissor Maksin Uokeri canlandırır. Obrazına sinə xərçənginin aqressiv forması diaqnozu qoyulur. Aktrisa etiraf edib ki, bu rol onun üçün o qədər şəxsi xarakter daşıyıb ki, əsəri adi film kimi qəbul edə bilməyib. Çəkilişlər zamanı isə anasının boyunbağısını taxaraq ona mənəvi bağlılığını qoruyub.

Telegramda izləyin