Dünya çempionu Nəriman Cavadzadədən hava limanında "kontrabanda" aşkarlandı
Azərbaycan Kunq-Fu Federasiyasının peşəkarlardan ibarət yığma komandasının baş məşqçisi Nəriman Cavadzadəyə cinayət işi açılıb.
Sonxeber.az "Qaynarinfo"ya istinadən xəbər verir ki, 1990-cı ildə Ağsu şəhərində anadan olmuş Nəriman Cavadzadə barəsində iltizam növündə qətimkan tədbiri seçilib.
Onun Cinayət Məcəlləsinin 213-1.1-ci maddəsi ilə təqsirləndirilməsinə dair cinayət işinə məhkəmədə baxılıb.
Məlum olub ki, Nəriman Cavadzadə Əbu-Dabi-Bakı aviareysi ilə Azərbaycana gəldiyi zaman çamadanına keçirilmiş gömrük baxışı zamanı 1 640 manat dəyərində siqaret və elektron siqaretlər aşkarlanıb.
Məhkəmə istintaqı zamanı təqsirləndirilən şəxs qismində dindirilmiş Nəriman Cavadzadə irəli sürülmüş ittiham üzrə özünü təqsirli bilməyərək deyib ki, idmançıdır və yığma komandanın baş məşqçisi işləyir. Üzərində 5 ədəd telefon və bir çanta olub. Əşyaları da çantanın içərisinə yerləşdirib. O, 2018-ci ildən gömrük orqanlarında xidmətə başladığını, 2024-cü ilin yanvar ayında öz ərizəsi ilə vəzifədən azad olunduğunu deyib. İdmançı gömrük orqanlarında sonuncu dəfə Dövlət Gömrük Komitəsinin Hava Nəqliyyatında Baş Gömrük İdarəsinin Sərnişin şöbəsində inzibatçı vəzifəsində çalışıb. Onun fikrincə, bu ittiham ona qarşı qərəzin nəticəsidir.
Məhkəmənin qərarı ilə baş məşqçi bir il müddətinə aksiz markası ilə markalanmalı olan məhsulların satış fəaliyyəti ilə məşğul olma hüququndan məhrum edilməklə, 2000 manat cərimə edilib.
Çamadanında aşkar edilən 50 qutu "Vozol Vista 20000" markalı elektron siqaret və 18 qutu "Parliament platinum" markalı siqaret dövlət nəfinə müsadirə olunub.
Təqsirləndirilən şəxs barəsində seçilmiş başqa yerə getməmək barədə iltizam qətimkan tədbiri hökm qanuni qüvvəyə minənədək dəyişdirilmədən saxlanılıb.
Sonxeber.az
Telegramda izləyin
Şikayətiniz varsa Whatsapp: 077 7125666
Facebookda Paylaş











Sabahdan daha bir marşrut üzrə bütün avtobuslar yenilənir
Məhkəmə AXCP sədri Əli Kərimli barəsində qərar verdi
Dünya bu türk azarkeşdən danışır: Üzünü boyamasının səbəbi bəlli oldu - VİDEO
Ən şanslı insanların doğulduğu 4 gün
Məktəbdə ciddi nöqsanlar aşkarlandı: Direktor işdən çıxarıldı, məhkəmə qərarı qüvvədə saxladı
Dünya çempionatında gərginlik artır: Portuqaliya və İngiltərə yaşıl meydana çıxırlar
Qarabağ"ın Avropa Liqasındakı rəqibi bilindi
Pensiya yaşı yenidən artırıla bilər? - Açıqlama
"Klon" serialının "İvetti"si 74 yaşında pərəstişkarlarını heyran etdi
Aktrisanın ölümündə yeni detallar: Anası həmin gecə baş verənləri danışdı
Şəki sakininin keçmiş qayınanası və arvadını öldürməsinin SƏBƏBİ - DƏHŞƏTLİ TƏFƏRRÜAT
Prokurorluq Baş Gömrük İdarəsində niyə əməliyyat keçirdi? - DETALLAR
Sakinlərin NƏZƏRİNƏ: Bəzi ərazilərdə qaz olmayacaq
Araq almaq üçün qardaşından pul istədi, vermədiyinə görə bıçaqladı
"Əvvəl uşaqları göndərirdilər, indi isə..." - Yay düşərgələri niyə bağlanıb? - VİDEO