25 yaşlı gənc atış poliqonunda intihar etdi

İstanbulun Maltepe rayonunda yerləşən atış poliqonunda faciə baş verib.

Sonxeber.az türk mediasına istinadən xəbər verir ki, 25 yaşlı Abdullah Çalışkan poliqona gələrək başına atəş açmaqla intihar edib.

Hadisə saat 12:30 radələrində Aydınevler məhəlləsindəki atış poliqonunda qeydə alınıb. İddiaya görə, poliqona atış üçün gələn Çalışkan, hələlik məlum olmayan səbəbdən silahla özünə atəş açıb.

Poliqon əməkdaşlarının məlumatı əsasında əraziyə çoxlu sayda polis, təcili yardım və hadisə yeri müstəntiqləri cəlb olunub. Təcili tibbi yardım briqadasının yoxlaması zamanı gəncin hadisə yerində həyatını itirdiyi müəyyən olunub.

Ağır xəbəri eşidərək poliqona gələn Abdullah Çalışkanın ailə üzvləri böyük sarsıntı keçirib və göz yaşlarını saxlaya bilməyiblər.

Onun psixoloji problemlərinin olduğu irəli sürülür. Gəncin meyiti hadisə yerində aparılan araşdırmalardan sonra morqa təhvil verilib.

Telegramda izləyin