"ABŞ-nin Azərbaycanla güclü əlaqələrinin olması region üçün çox mühüm amildir" - DEPUTAT

"Müasir beynəlxalq münasibətlər sistemində önəmli rola malik Azərbaycanın xarici siyasətinin davamlı uğurları göz önündədir.
44 günlük Vətən müharibəsinin qalibiyyətlə başa çatmasından sonra bütün sahələrdə olduğu kimi xarici siyasət sahəsində də qarşıda yeni üfüqlər açılıb. Ermənistan–Azərbaycan münaqişəsi uzun illər ərzində dövlətimizin global siyasətdə böyük potensialını ortaya qoymasına maneçilik törədirdi. İndi isə dünya ölkələri ilə əməkdaşlıq və tərəfdaşlıq əlaqələrini inkişaf etdirmək, təmaslarını gücləndirmək sahəsində Qarabağ adlı problem, maneə yoxdur. Son illərdə dövlətimizin xarici siyasətdəki uğurları artıq regionun hüdudlarından kənara çıxıb. Ölkəmiz hazırda dünyada orta güc hesab olunan ölkələr kateqoriyasına daxildir".

Bu sözləri Sonxeber.az-a Milli Məclisin deputatı Müşfiq Cəfərov danışıb.

O, açıqlamasında qeyd edib ki, Prezident İlham Əliyevin qeyd etdiyi kimi biz, bu yeni dövrdə xarici siyasət istiqamətində yeni üfüqlər açmalıyıq:

"Əgər əvvəlki dövrdə bizim xarici siyasətimizin əsas istiqaməti Ermənistan - Azərbaycan münaqişəsinin həlli idisə, bu gün artıq bu məsələ, demək olar ki, gündəlikdə öncəlik deyil. "Ona görə xarici siyasətimizin yeni istiqamətləri üstünlük təşkil edir. İndi Azərbaycan - ABŞ münasibətləri elə bir səviyyədədir ki, hətta Vaşinqtonda ölkəmizin və türk dünyasının əleyhinə atılan bəzi addımlar da bu münasibətlərin yaxşıya doğru getməsinə mane ola bilmir.
ABŞ - Azərbaycan münasibətlərinin yeni dövrü başlayır. ABŞ-nin Azərbaycanla güclü əlaqələrinin olması bu region üçün çox mühüm amildir.
D.Tramp ABŞ Prezidenti seçildikdən sonra iki ölkə arasında münasibətlərin inkişafı üçün yeni imkanlar açıldı, ABŞ-Azərbaycan münasibətləri keyfiyyətcə yeni mərhələyə qədəm qoydu. Artıq iki ölkə arasındakı əməkdaşlıqlar strateji tərəfdaşlığa doğru irəliləyir.
Düşünürəmki, Prezident Tramp tərəfindən "Azadlığı Müdafiə Aktı"na 907 saylı düzəlişin icrasını dayandıran sənəd imzalanması da iki ölkə arasındakı münasibətlərin inkişafının əyani nümunəsidir. Bəli bu 907 saylı düzəliş uzun illər dövlətimizə qarşı ən böyük haqqsızlıq idi. Cənab prezident İlham Əliyev Azərbaycan dövlətinə və xalqına qarşı olan bu, haqqsızlığıda aradan qaldırdı".

Telegramda izləyin