25-30 litr benzin "içən", sürücülərin arzusu olaraq qalan 7 avtomobil

Bəzi avtomobillər, sanki yanacaq sərfiyyatına məhəl qoyulmaması üçün yaradılıblar. Ancaq məhz "acgözlük", güc və emosiyalara görə bu maşınlar hər kəs tərəfindən sevilir.

Oxu.Az bildirir ki, bu barədə "Pravda.ru" nəşri yazıb.

"Toyota Land Cruiser 200"

4.7 və ya 5.7 litrlik V8 mühərriki şəhərdə 20-25 litr, aktiv hərəkət zamanı isə 30 litr benzini asanlıqla "içir". Lakin bu rəqəmlər inam verir: bu yolsuzluq avtomobili istənilən yerə aparacaq və mütləq etibarlılıq hissi bəxş edəcək.

"BMW X5 M"

Gücü 600 at qüvvəsi olan mühərrikə malik krossover 4 saniyədən az müddətdə 100 km/saat sürətə qədər sürətlənir. Şəhərdə yanacaq sərfiyyatı 20 litrdən başlayır, idman rejimində isə 30 litrə çatır. Avtomobil yanacaq sərfiyyatını hesablamaq üçün deyil, drayv üçün nəzərdə tutulub.

"Jeep Grand Cherokee SRT"

6.4 litr həcmində V8 atmosfer mühərriki 100 km/saata ən azı 22 litr sərf edir. Lakin bunun müqabilində yolsuzluq avtomobili sportkar səviyyəsində sürətlənmə və güclü səs verir, buna görə ABŞ klassiklərinin pərəstişkarları bunu yüksək qiymətləndirirlər.

"Mercedes-Benz G63 AMG"

Kvadrat gövdə və 585 at qüvvəsi olan ikiturbinli V8 mühərriki şəhərdə 23-25 ​​litr və kəskin sürətlənmə zamanı 30 litrə qədər benzin sərf edir. Halbuki "Qelik"i status və brutallıq üçün alırlar, onun "benzin iştahası" isə sahiblərinə problem yaratmır.

"Cadillac Escalade"

6.2 litr həcmli V8 mühərriki asanlıqla 20-25 litr benzin istehlak edir. Lakin bu yolsuzluq avtomobili fərqli təcrübə verir: yüngül hərəkət, geniş salon və dəbdəbə hissi, hansı ki, bu zaman "nə qədər yeyir?" ifadəsi mənasını itirir.

"Range Rover Supercharged"

Kompressorlu V8 mühərriki 510 at qüvvəsi hasil edir və bunun üçün yüz km-ə 22-26 litr tələb edir. Lakin "Range Rover" Britaniya aristokratiyasının simvolu olaraq qalır: restorana gedəndə və yolsuzluqda eyni dərəcədə effektlidir.

"Dodge RAM TRX"

Kapotun altında gücü 702 at qüvvəsi olan 6.2 litrlik kompressorlu mühərrik yerləşir. Yanacaq sərfiyyatı şəhər içində 25-30 litrdən yolsuzluqda 40 litrə qədər dəyişir. Bu, təpələrin üstündən tullanan və superkar kimi sürətlənən bir "canavar"dır və buna görə də ona pərəstiş edilir.

Telegramda izləyin