Gözəllik salonunda saçını boyadan qadın, pul verməmək üçün görün hansı bəhanə ilə qaçdı

Hatayın Dörtyol rayonunun Sanayi məhəlləsində bir qadın müştəri gözəllik salonunda dələduzluq edib.

Sonxeber.az türk mediasına istinadən xəbər verir ki, hadisə beş gün əvvəl günorta saatlarında baş verib. Salona gəlib saç boyası, manikür, pedikür və digər prosedurlar etdirən qadın prosedurlar bitdikdən sonra "siqaret çəkmək üçün çölə çıxıram" deyərək salondan ayrılıb və geri qayıtmayıb.

Qadının nə ödəniş üçün geri gəlməməsi, nə də sonradan əlaqə saxlamaması salon sahibi Kutlusoyun dələduzluqla üzləşdiyini göstərib. Zəlzələ zamanı Kahramanmaraşın Pazarcık rayonundakı iş yerini itirən və Hatayda yenidən fəaliyyətə başlayan Kutlusoy, qadının başqa sahibkarlara da eyni üsulla zərər vurduğunu öyrəndiyini bildirib: "Şikayətçi olmağı düşünmürəm. Yalnızca bu görüntüləri görüb utansa, üzünün qızarması və bu vərdişindən əl çəkməsi kifayətdir" deyə o bildirib.

Yaşadığı hadisəni "ən çox da ilk müştərimiz idi" sözləri ilə təsvir edən Kutlusoy, qadına bütün xidmətlərin peşəkarcasına göstərildiyini, hətta çay və qəhvə ilə də qonaq edildiyini vurğulayıb. Lakin qadın salonu tərk edərək bir daha geri dönməyib.

Telegramda izləyin