Turist cütlük bu hərəkətinə görə Venesiyadan qovuldu - VİDEO

Venesiyada tətil edən ingilis cütlük Böyük Kanalda suya atıldıqdan sonra şəhərdən qovulub. Hadisə nəticəsində onların istirahəti kabusa çevrilib.

Sonxeber.az xarici mediaya istinadən xəbər verir ki, 35 yaşlı ingilis kişi və 25 yaşlı ruminiyalı sevgilisinin hərəkəti ətrafdakı nəzarətçilər tərəfindən görülüb və polisə şikayət edilib.

Polis onların hər birinə 390 funt sterlinq cərimə kəsib və 48 saat ərzində şəhəri tərk etmələrini tələb edib.

Qeyd edək ki, Venesiyada kanallara girmək qəti qadağandır. Burada həm gondollar, həm də motorlu qayıqlar olduğu üçün üzmək son dərəcə təhlükəli hesab olunur. Hadisə şəhərdə tez-tez müzakirə olunan "Venesya Disneyland deyil" mövzusunu yenidən gündəmə gətirib. Yerli sakinlər cərimələrin kifayət etmədiyini bildirərək daha sərt sanksiyaların tətbiq olunmasını tələb ediblər.

Telegramda izləyin