Parkda oynayan uşağa mərmi dəydi

Bursada oyun parkında oynayan 7-8 yaşlı uşaq mərminin hədəfi olub.

Sonxeber.az türk mediasına istinadən xəbər verir ki, hadisə dünən saat 19:00 radələrində Osmangazi rayonunun Demirtaş Sakarya qəsəbəsində baş verib.

Parkda oyun oynayan uşaq birdən yerə yıxılarkən vətəndaşlar uşağın vurulduğunu görüb və böyük panik yaşanıb. Hadisə yerinə polis və təcili tibbi yardım çağırılıb. Məlum olub ki, mərmi uşağın bud nahiyəsinə dəymişdir. Yaralı uşaq xəstəxanaya çatdırılaraq müalicəyə götürülüb.

Polis əməkdaşları mərminin hansı silahdan atıldığını müəyyən etmək üçün genişmiqyaslı araşdırma aparır.

Telegramda izləyin