Küçədə ağacdan asılmış meyit tapıldı

İstanbulun Ümraniyə rayonunda, Akdeniz küçəsinin kənarında bir ağacda asılı vəziyyətdə insan meyiti aşkarlanıb.

Sonxeber.az türk mediasına istinadən xəbər verir ki, hadisə şahidlərinin məlumatı əsasında əraziyə polis və təcili tibbi yardım əməkdaşları cəlb olunub.

Hadisə yerinə çatan həkimlərin ilkin yoxlaması nəticəsində şəxsin artıq həyatını itirdiyi müəyyənləşdirilib.

Meyitin üzərində prokuror və hadisə yeri ekspertləri tərəfindən ətraflı araşdırma aparılıb. Kimliyi hələlik müəyyən edilməyən şəxsin cəsədi Ümraniyə Tədris və Tədqiqat Xəstəxanasının morquna yerləşdirilib.

Polis faktla bağlı araşdırmanı davam etdirir.

Telegramda izləyin