Ərini başqasıyla birlikdə zənn etdi, günahsız qadını döydü - FOTO

Edirnənin Abdurrahman məhəlləsində həyat yoldaşı və övladı ilə birlikdə marketdən alış-veriş edən 40 yaşlı Hamiyət Bingül evinin qarşısına maşınını park edib düşərkən başqa bir qadının hücumuna məruz qalıb.

Sonxeber.az türk mediasına istinadən xəbər verir ki, hadisə zamanı qadın həyat yoldaşı və övladının gözü önündə döyülərək qanlar içində qalıb. Yaralı qadın təcili yardım maşını ilə xəstəxanaya aparılıb, hücum edən qadın isə polis tərəfindən saxlanılıb.

Şübhəli qadın ifadəsində, avtomobili ərinin maşınına bənzətdiyini deyib: "Maşından bir qadın düşəndə ərimin məni aldatdığını düşündüm. Hadisədən sonra həmin şəxsin ərim olmadığını və avtomobilin də bizim maşın olmadığını gördüm, üzr istədim" – sözlərini bildirib.

Zərərçəkmiş qadının şikayətindən sonra prokurorluq tərəfindən şübhəli barəsində ittiham aktı hazırlanıb. İddianamədə avtomobilin qapısının "silah" kimi qiymətləndirilməsi diqqət çəkib. Şübhəlinin məhkəməsi yaxın günlərdə başlayacaq.

Telegramda izləyin