10 illik düşmənçilik qətllə nəticələndi

Ankarada bacanağı – Jandarma Xüsusi Çavuş Emre Bozkurtu tapança ilə qətlə yetirən Uğur Balkoca, daha sonra eyni silahla özünə atəş açaraq həyatına son qoyub.

Sonxeber.az türk mediasına istinadən xəbər verir ki, hadisənin, tərəflər arasında təxminən 10 ildir davam edən düşmənçilik səbəbindən baş verdiyi iddia edilir. Qətliamın ardından Emre Bozkurtun yaxınları böyük kədər yaşayıb, göz yaşı töküblər.

Hadisə şahidi Orhan Karakoç açıqlamasında bunları deyib:

"Bildiyimə görə, hadisəni yaşayanlar bacanaq imiş. Aralarında problem varmış. Vurulan jandarma qulluqçusu olub. Silahlı hücumu törədən isə daha sonra buraya gələrək intihar edib".

Digər şahid Melih Arslan isə bildirib:
"Səhər hadisə yerinə gəldikdə polisin ərazini bağladığını gördük. İçəri daxil olmağa icazə verilmədi. Bacanaqlar arasında 10 illik bir ədavətin olduğunu eşitmişik".

Telegramda izləyin