Arvadını döydüyü anları lentə alaraq sosial şəbəkədə paylaşan kişi saxlanılıb - VİDEO

Mersində dəhşətli ailə zorakılığı hadisəsi baş verib.

Sonxeber.az türk mediasına istinadən xəbər verir ki, özünü həyat yoldaşının onu aldatdığına inandıran bir kişi, arvadını döyüb, ardından isə həmin anları sosial şəbəkədə canlı yayımlayıb. Qadının qorxu dolu anları izləyənləri sarsıdıb. Hadisədən sonra polis dərhal hərəkətə keçərək şəxsi saxlayıb.

Məlumata görə, təxminən 3 ay əvvəl Muşda başqa bir şəhərdə yaşayan həmin şəxs, arvadını başqa kişilərlə yazışdığı iddiası ilə döyüb. Daha sonra qadının "etiraf" etdiyini göstərən görüntüləri mobil telefonla çəkərək qayınatasına göndərməyə çalışıb. Hadisədən sonra saxlanılan şəxsə qarşı "döymə" ittihamı ilə hüquqi prosedur tətbiq olunub və məhkəmənin qərarı ilə ona uzaqlaşdırma cəzası verilib.

Lakin şübhəli Mersinə gəldikdən sonra aylar əvvəl çəkdiyi görüntüləri sosial şəbəkə hesabında paylaşıb. Bu səbəbdən o, Mersinin mərkəz Toroslar rayonunda polis tərəfindən saxlanılıb.

Mersin Baş Prokurorluğundan verilən açıqlamada bildirilib: "Sözügedən görüntülərlə bağlı istintaq başladılıb və bir nəfər saxlanılıb". Eyni zamanda məlum olub ki, şiddətə məruz qalan qadın qadın sığınacaq evində dövlətin qorumasına götürülüb.

Telegramda izləyin