Müdirin qohumları iş yerində bir işçini döyərək öldürdülər - VİDEO

İstanbulun Başakşehir rayonunda dəhşətli hadisə baş verib.

Sonxeber.az türk mediasına istinadən xəbər verir ki, bir işçi iş yeri sahiblərinin qohumları tərəfindən əl-ayağı bağlanaraq döyülüb və nəticədə həyatını itirib.

Məlumata görə, insident Ziya Gökalp məhəlləsində yerləşən Aymakoop Sənaye Sitesində baş verib. İş yerində çalışan xarici vətəndaş Nikolay Palamarciuc iş yerinə aid olduğu iddia edilən sənədləri götürməyə çalışarkən digər işçilər tərəfindən saxlanılıb və sahibkara xəbər verilib. Ardınca iş yeri sahibinin qohumları – R.K., Y.K.A., C.Ç. və K.Ç. – hadisə yerinə gələrək Palamarciucun əl-ayaqlarını bağlayıblar.

Məlumatla hadisə yerinə gələn polis və təcili tibbi yardım işçiləri Palamarciucun hərəkətsiz halda yerə yıxıldığını, yanında əlində bıçaq olan R.K.-nin və digər 3 nəfərin əlində plastik qandal və yapışqan lent olduğunu görüblər. Sağlamlıq işçiləri Nikolay Palamarciucun artıq həyatını itirdiyini təsdiqləyiblər.

Bunun ardından polis R.K., Y.K.A., C.Ç. və K.Ç.-ni "qəsdən adam öldürmə" ittihamı ilə saxlayıb. Palamarciuc isə xəstəxanaya aparılsa da, həkimlərin bütün cəhdlərinə baxmayaraq xilas etmək mümkün olmayıb. Hadisə ilə bağlı araşdırma davam edir.

Telegramda izləyin