9 yaşlı qız uşağı qaçırılmaqdan son anda xilas edildi - VİDEO

Türkiyədə naməlum kişi küçədə gedən 9 yaşlı qız uşağını izləyərək onu qaçırmağa cəhd edib. Uşaq izlənildiyini hiss edərək panikaya düşüb və qaçmağa çalışıb.

Sonxeber.az türk mediasına istinadən xəbər verir ki, hadisəni görən qəsəbə sakinləri dərhal müdaxilə edərək qaçırılma cəhdini boşa çıxardı. Sakinlərin reaksiyası qarşısında şübhəli panikaya düşərək hadisə yerindən uzaqlaşdı.

Qəsəbə sakinləri dərhal 112 Təcili Yardım Mərkəzinə məlumat veriblər. Polis hadisə barədə məlumat alar-almaz şübhəli şəxsin tutulması üçün əməliyyatlara başlayıb.

Uşağın qaçırılma cəhdi təhlükəsizlik kameralarına da əks olunub. Görüntülərdə şübhəli şəxsin qızı bir müddət izlədiyi, sonra hərəkətə keçdiyi və vətəndaşların müdaxiləsi ilə hadisə yerindən sürətlə uzaqlaşdığı görünür.

Hadisə ilə bağlı aparılan istintaq davam edir.

Telegramda izləyin