Təhlükə saçan təmizləyici vasitələr - Mütəxəssisdən AÇIQLAMA

Tərkibində xlor, fosfat və digər kimyəvi birləşmələr olan təmizləyici vasitələr sağlamlığa zərər verə bilər.

Oxu.Az xəbər verir ki, bu barədə Rusiya Texnoloji Universitetinin qeyri-üzvi kimya kafedrasının dosenti Andrey Doroxov məlumat verib.

Doroxov bildirib ki, xlor və onun birləşmələri səthləri zədələyə və toksik buxarlar yarada bilər, bunlar isə nəfəs alarkən selikli qişalara zərər verə bilərlər. Həmçinin fosfatlar və uçucu üzvi birləşmələr ürək, böyrək və dəri sağlamlığına mənfi təsir göstərə bilər.

Mütəxəssis, həmçinin daha az aqressiv, bitki mənşəli və biodeqradasiya oluna bilən aktiv maddələrə malik vasitələrdən istifadə etməyi tövsiyə edib. O, "pH" göstəricisinə diqqət yetirməyin vacib olduğunu, neytral vasitələrin əksər səthlərdə, qələvi tərkiblilərin yağ təmizləmək üçün, turşuların isə mineral çöküntülərə qarşı effektiv olduğunu vurğulayıb. Doroxov universal təmizləyici vasitələrin olmadığını, marketinq iddialarının isə yalnız oxşar növ səthlərdə effektivliyi göstərdiyini əlavə edib.

Telegramda izləyin