İstehsalçı iqtisadi çətinlikləri dilə gətirdi: "10-12 ton məhsulum qalıb"

Türkiyədə bir satıcı əlindəki incirləri sata bilmədiyini bildirərək yaşadığı iqtisadi çətinlikləri dilə gətirib.

Sonxeber.az türk mediasına istinadən xəbər verir ki, bölgənin ən önəmli kənd təsərrüfatı məhsullarından biri olan incirdə bu il alıcı tapa bilməyən istehsalçı deyib:

"İlk dəfə belə bir şey baş verir".

Fermer əlində 10-12 ton incir olduğunu qeyd edərək əlavə edib:

"İncirlərim hələ də əlimdədir. 10-12 ton məhsulum var. Hələ bir qram belə sata bilmədik. Nə gələn var, nə gedən. Tamamilə dayandı".

Aydınlı fermerlər son dövrdə artan xərclər və azalan tələb səbəbindən məhsullarını bazar qiymətindən çox aşağı satmaq məcburiyyətində qaldıqlarını bildirirlər.

Bölgədəki istehsalçılar isə rəsmi orqanlardan dəstək və ixracın artırılması üçün təcili addımlar atılmasını tələb edirlər.

Telegramda izləyin