Marketin şüşəsini sındırdı, içəri girib cips və dondurma yeyərək aradan çıxdı - VİDEO

Türkiyənin Burdur şəhərində maraqlı hadisə baş verib.

Sonxeber.az türk mediasına istinadən xəbər verir ki, Bağlar məhəlləsində, naməlum şəxs gecə saatlarında İbrahim Zeki Burdurlu küçəsində yerləşən bir marketə daxil olub. O, əvvəlcə marketin şüşəsini daşla sındıraraq içəri girib. Daha sonra mağazanın daxili bölməsinin qapısını açmağa cəhd edən, lakin buna nail ola bilməyən şübhəli marketdə olan içkilərdən içib, cips və dondurma yeyib.

Təxminən bir saat ərzində marketdə qalan şəxs daha sonra hadisə yerini tərk edib. Səhər saat 06:30 radələrində iş yerinə gələn market sahibi vəziyyəti görərək dərhal polisə məlumat verib. Hadisə yerinə gələn polis əməkdaşları şübhəlinin kimliyinin müəyyənləşdirilməsi və saxlanılması üçün araşdırma aparır.

Marketdə baş verən hadisə təhlükəsizlik kamerasına düşüb.

Telegramda izləyin