Mağazanın açılışı şərəfinə paylanacaq hədiyyə çanta üçün küçədə çadır qurub gözlədilər - VİDEO

Beynəlxalq kosmetika və şəxsi qulluq məhsulları satan mağazalar şəbəkəsi İstanbulun Beyoğlu rayonunda yerləşən ticarət mərkəzində yeni filialının açılışını elan edib.

Sonxeber.az türk mediasına istinadən xəbər verir ki, açılışa özəl olaraq mağaza 30 min TL (təxminən 1600 manat) dəyərində çanta modelini müştərilərə pulsuz paylayacağını bildirib. Bu xəbəri eşidən vətəndaşlar açılışdan iki gün əvvəl ticarət mərkəzinin qarşısına gələrək çadırlar qurub, uzun növbələr əmələ gətiriblər.

Sosial şəbəkələrdə yayılan görüntülərdə insanların soyuq hava və yağışa baxmayaraq, yanlarında ərzaq gətirərək səkidə gözlədikləri görünür.

Uzun növbələr və izdiham qısa müddətdə sosial mediada gündəm olub, bir çox istifadəçi vəziyyəti həm təəccüblə, həm də tənqidlə qarşılayıb.

Telegramda izləyin