Vuçiç Rusiyadan inciyib

Rusiya üç il və ya daha uzunmüddətli qaz tədarükü müqaviləsi əvəzinə Serbiyaya yalnız 2025-ci ilin sonuna qədər müqavilə təklif edib.

Oxu.Az xəbər verir ki, bunu Serbiya Prezidenti Aleksandar Vuçiç "İnformer"ə müsahibəsində bildirib.

O bəyan edib ki, bu qərar Belqradın gözləntiləri ilə ziddiyyət təşkil edir.

Vuçiç ölkəsinin Rusiya ilə dostluq münasibətlərini saxlamaq üçün arbitraj prosedurlarından və digər tədbirlərdən imtina edərək dürüst və etibarlı tərəfdaş olduğunu vurğulayıb.

Onun sözlərinə görə, sentyabrda Prezident Vladimir Putinlə görüşləri zamanı çevik təchizat şərtləri, sərfəli qiymət və qaz həcmlərinin artırılması ilə bağlı tələblər razılaşdırılıb. Bununla belə, Serbiya prezidenti əmindir ki, Moskvanın yekun təklifi məyusedicidir.

Telegramda izləyin