Bakıda DƏHŞƏT: Bacısına zor tətbiq edərək cinsi əlaqəyə girən qardaş HƏBS EDİLDİ

Bakı Ağır Cinayətlər Məhkəməsi 2000-ci il təvəllüdlü Qurban Hacıbəyovun (ad və soyad şərtidir) yetkinlik yaşına çatmayan bacısına qarşı seksual xarakterli zorakılıq və cinsi əlaqə ittihamı ilə bağlı cinayət işinə baxıb. Məhkəmə təqsirləndiriləni Azərbaycan Respublikası Cinayət Məcəlləsinin 150.3.3-cü (əvvəlki redaksiyada) və 152.1-ci maddələri ilə təqsirli bilərək 8 il 3 ay müddətinə azadlıqdan məhrum etmə cəzası təyin edib.

BAKU.WS-in məlumatına görə, cinayət işi 2014-cü ildən 2023-cü ilə qədər davam edən hadisələrə əsaslanır.

Təqsirləndirilən şəxs öz bacısı (2008-ci il təvəllüdlü) ilə qohumluq əlaqəsindən istifadə edərək yetkinlik yaşına çatmayana qarşı seksual xarakterli zorakılıq hərəkətləri etməkdə və cinsi əlaqədə olmaqda ittiham olunub.

İttiham aktına görə, hadisələr ailənin yaşadığı evdə baş verib və təqsirləndirilən şəxs zərərçəkmişin köməksiz vəziyyətindən istifadə edib.

Təqsirləndirilən şəxs məhkəmədə ittihamı qismən qəbul edib, lakin bəzi hallarda inkar edib. O, hadisələrin bir qisminin 2015-2016-cı illərdə baş verdiyini bildirib, amma təbii yolla cinsi əlaqəni inkar edib. Zərərçəkmiş tərəf isə ilkin ifadəsində ittihamı təsdiqləsə də, sonradan ifadəsini dəyişdirərək nişanlısı ilə birlikdə planlaşdırıldığını və qardaşını şərləmək məqsədi daşıdığını bildirib. Lakin məhkəmə zərərçəkmişin ilkin ifadələrini, ekspertiza rəylərini (tibbi, psixoloji və səs yazılarının təhlili), şahid ifadələrini və digər sübutları nəzərə alaraq ittihamı təsdiqləyib.

Məhkəmə istintaqı zamanı zərərçəkmişin nişanlısı da dindirilib. O, zərərçəkmişin qardaşından şikayət etdiyini və hadisələrdən xəbərdar olduğunu bildirib. Həmçinin ailə üzvlərinin (bacı, həyat yoldaşı) ifadələri dinlənilib, lakin məhkəmə onların bir qismini sübutlarla ziddiyyətli hesab edib.

Məhkəmə təqsirləndiriləni 152.1-ci maddə ilə 1 il, 150.3.3-cü maddə (əvvəlki redaksiyada) ilə 8 il azadlıqdan məhrum etmə cəzası təyin edib. Qismən toplama yolu ilə ümumi cəza 8 il 3 ay təyin olunub. Cəza ciddi rejimli cəzaçəkmə müəssisəsində çəkiləcək və 8 avqust 2023-cü ildən (tutulma tarixi) hesablanacaq. Məhkəmə təqsirləndirilənin 2 azyaşlı uşağının olmasını, gənc yaşını və zərərçəkmiş tərəfin şikayətçi olmamasını yüngülləşdirən hallar kimi nəzərə alıb. Ağırlaşdıran hallar müəyyən edilməyib.

Telegramda izləyin