Cənazə yuyarkən video çəkib sosial şəbəkədə paylaşdı

Bir gənc qızın anası ilə birlikdə cənazə yuma mərasiminə qatıldığı anları sosial şəbəkədə paylaşması geniş əks-səda doğurub.

Sonxeber.az türk mediasına istinadən xəbər verir ki, qısa müddətdə viral olan görüntülər sosial media istifadəçilərinin kəskin reaksiyasına səbəb olub. Sosial şəbəkə istifadəçiləri "Hörmət hər şeydən önəmlidir" sözləri ilə narazılıqlarını ifadə ediblər.

Sözügedən videoya minlərlə şərh gəlib. İstifadəçilərin böyük əksəriyyəti isə paylaşımı sərt tənqid ediblər.

Bəzi sosial media istifadəçiləri dini maarifləndirmə məqsədi ilə belə videoların çəkilməsini qismən anlaşılan hesab etsələr də, cənazə yuyularkən görüntülərin paylaşılmasının ölüyə hörmətsizlik olduğunu bildiriblər. Qısa müddətdə alovlanan müzakirələr fonunda bir çox insan "Sosial şəbəkələrdə məxfiliyin sərhədləri tamamilə itib" fikirlərini səsləndirib.

Telegramda izləyin