Narkotik ticarətinə görə 10 ildir axtarılan qadın nəhayət saxlanıldı

Türkiyənin Kocaeli vilayətinin Gebze rayonunda narkotik maddə ticarəti ittihamı ilə 22,5 il qəti həbs cəzası olan qadın 10 illik qaçışdan sonra keçirilən əməliyyat nəticəsində saxlanılıb.

Sonxeber.az türk mediasına istinadən xəbər verir ki, Kocaeli İl Təhlükəsizlik İdarəsinin əməkdaşları "Narkotik və ya psixotrop maddələrin satışı və ya təmin edilməsi" maddəsi üzrə barəsində 22,5 il həbs və 22 min 500 lirə məbləğində məhkəmə cəriməsi qərarı çıxarılan M.A. adlı qadını əməliyyatla ələ keçiriblər.

Saxlanılan qadın polis bölməsindəki ilkin istintaq hərəkətlərindən sonra məhkəməyə göndərilib.

10 ildir axtarışda olan M.A. məhkəmənin qərarı ilə həbs edilərək cəzaçəkmə müəssisəsinə yerləşdirilib.

Telegramda izləyin