Piyada keçidində 4 yaşlı uşağı maşın vurdu - VİDEO

Türkiyənin Bolu şəhərində atası və böyük qardaşı ilə birlikdə piyada keçidindən yolun o biri tərəfinə keçən 4 yaşlı H.M.B. avtomobilin onu vurması nəticəsində yaralandı.

Sonxeber.az türk mediasına istinadən xəbər verir ki, sağ zolaqda hərəkət edən bir avtomobil sürücüsü piyada keçidində atası və iki uşağa yol verib. Bu zaman eyni istiqamətdə hərəkət edən E.Ç.-nin idarə etdiyi 14 ACP 119 nömrəli avtomobil sol zolaqdan keçərək uşaqlardan H.M.B.-yə çırpılıb.

Atası və böyük qardaşı H.M.B.-nin yanına qaçıb. Hadisə yerinə təcili yardım və polis əməkdaşları gəlib. H.M.B. ilkin tibbi müdaxilədən sonra xəstəxanaya yerləşdirilib və müalicəyə başlanıb. Müalicə bitdikdən sonra uşaq xəstəxanadan evə buraxılıb.

Hadisə eyni zamanda piyada keçidində dayanan avtomobilin kamerasına da düşüb. Sürücünün ifadəsi polis bölməsində alınıb. Hadisə ilə bağlı araşdırma davam edir.

Telegramda izləyin