İnək dünyaca məşhur futbolçunu öldürdü

Braziliya futbolu böyük bir itki ilə üzləşib.

Sonxeber.az xarici mediaya istinadən xəbər verir ki, cəmi 20 yaşında olan gənc futbolçu Antony Ylano, motosikleti ilə hərəkətdə olarkən yola çıxan inəyə çırpılaraq həyatını itirib.

Hadisə bazar ertəsi səhər saatlarında baş verib. Məlumata görə, Ylano atasının ad günü tədbirindən evə qayıdarkən BR-343 avtomobil yolunda beş inəkdən birinə çırpılıb. Təhlükəsizlik kamerası görüntülərinə əsasən, o, sürüdəki son inəyə dəydikdən sonra motosikleti ilə birlikdə asfalta savrulub.

Hadisə yerinə qaçan iki şahid gənc futbolçuya yardım etməyə çalışsa da, bütün tibbi müdaxilələrə baxmayaraq, Ylano hadisə yerində dünyasını dəyişib.

Piauí əyalət polisi qəza ilə bağlı istintaqa başlayıb. İlkin araşdırmalar göstərib ki, Ylano qarşısına qəfil çıxan heyvanlara reaksiya verməyə vaxt tapmayıb. Qəzada yaralanan inək isə bir müddət sonra hadisə yerindən uzaqlaşıb.

Antony Ylano futbol karyerasına Altos və Fluminense-PI komandalarında başlayıb, daha sonra Piauí U20 klubuna transfer olunub. O, 2024 və 2025-ci illərdə Piauí Əyalət Çempionu adını qazanıb və Braziliya futbolunun gələcək vəd edən istedadları arasında göstərilirdi.

Məlum olub ki, Ylano qəzadan cəmi bir gün sonra komandasının heyətində Braziliya U20 Kubokunda iştirak etmək üçün Fortaleza şəhərinə yola çıxmalıymış.

Telegramda izləyin