7 dəqiqədə milyonluq soyğun: Oğrular Luvr Muzeyindən belə qaçdı - VİDEO

Fransanın paytaxtı Parisdə yerləşən dünyaca məşhur Luvr Muzeyində baş vermiş zinət əşyası oğurluğu ilə bağlı yeni detallar məlum olub.

Sonxeber.az türk mediasına istinadən xəbər verir ki, təhlükəsizlik kameralarına düşən görüntülərdə, üzləri maskalı iki oğrunun yük liftindən enərək motosikletlə hadisə yerindən uzaqlaşdıqları əks olunub. Paris Prokurorluğu hadisə ilə bağlı istintaqın davam etdiyini, oğurlanan 9 zinət əşyasının isə hələ tapılmadığını açıqlayıb.

Məlumata görə, hər gün minlərlə ziyarətçinin daxil olduğu, təxminən 35 min eksponatın sərgiləndiyi muzeyə 19 oktyabr səhəri gələn 4 nəfərlik oğrular qrupu, binanın xaricindəki yük maşınının liftindən istifadə edərək bir pəncərəni sındırıb və Krallıq zinət əşyalarının nümayiş olunduğu "Apollon Qalereyası"na daxil olub.

Oğrular 9 qiymətli əsəri aparıb, qaçış zamanı isə III Napoleonun həyat yoldaşı İmperatriçə Evgeniyəyə məxsus tacı yerə salıblar. Tac zədələnmiş vəziyyətdə muzeyin yaxınlığında tapılıb. Bildirilir ki, soyğun cəmi 7 dəqiqə davam edib və oğrular motosikletlə hadisə yerindən qaçıblar.

Telegramda izləyin